Vardene, Mare, ancoi noe, omeni del bosco;
son qua da Ti; meton te la Tò man la vita,
fane 'sta grazia, fane sentir con 'l Tò amor
coragio, fede, forza, te 'l noss duro laor;
aìdene a ricordar con serena pietà
quei che te 'l bosco è morti; tuti Tò fioi l'è stà.

Vedòn te Ti l'imagine de le nosse spose
de le nosse mare, de le nosse morose;
segur; l'è ben par questo che noe Te volon ben
te ne vardes te 'l cor e 'l fass tornar seren.

Ti sess la nossa vita, Ti 'nsema con 'l Cristo.

Eco la fede vera che ne fa 'l pan men tristo.
La ne fa respirar, cantar, esser umani
e la ne aìda a cresser come boni cristiani.
Aìdene a no perderla, che se manca quela
la vera voa de viver, de paca se cancela.